Kolumbiyalı futbolçu Radamel Falkao yenidən Fransanın "Monako" klubuna qayıdıb. Sportnet.az-ın məlumatına görə, 30 yaşlı futbolçu tibbi baxışdan keçdikdən sonra komandanın yeni mövsüm hazırlığına qoşulub.
Falkao son iki mövsümü icarə əsasında İngiltərənin "Mançester Yunayted" və "Çelsi" klublarında keçirib. Hücumçu son mövsüm Premyer Liqada 10 oyuna çıxıb və bir qol vurub.
Onun "Monako" ilə ilə olan müqavilə müddəti 2018-ci ildə başa çatacaq.
Qeyd edək ki, Falkao 2013-cü ildə İspaniyanın "Atletiko" klubundan "Monako"ya transfer olunub.
