Bu gün AVRO-2016-da 1/8 final mərhələsində yekun vurulub. Sportnet.az-ın məlumatına görə, son 2 oyun 2 favoritin mübarizəni erkən dayandırması ilə nəticələnib.
Erkən final sayılan İtaliya - İspaniya qarşıdurmasında nominal qonaqların uduzacağını gözləmək olardısa, İngiltərə - İslandiya duelində birincilərin məğlub olacağı əsl sürpriz oldu. Bununla da islandlar futbolun yaradıcılarına futbol dərsi keçdilər. Özü də bu yığma matçda erkən qol buraxsa da, ruhdan düşmədi və hələ ilk hissədə vurduğu 2 qolla əzmkar qələbə qazandı. İngiltərə üçüncə vətəndən kənarda keçirilən Avropa çempioinatının pley-off mərjələsində məğlubiyyət sindromu davam etdi.
İspaniyaya gəlincə, son 2 Avropa çempionatının qalibi olan Visente del Boskenin komandası DÇ-2014-də olduğu kimi uğursuzluğa düçar oldu. İtaliya isə ispanlardab turnirin son finalındakı məğlubiyyətin revanşını alaraq çempionu mübarizədən kənarlaşdırdı.
1/8 final oyunları
27 iyun
20:00. İtaliya - İspaniya - 2:0
Qollar: Corco Kyellini, 33, Qratsiano Pelle, 90+1
Baş hakim: Cüneyt Çakır
Yan xətt hakimləri: Bahəttin Duran, Tarık Onqun
Əlavə köməkçi hakimlər: Hüseyn Göçek, Barış Şimşək
Ehtiyat köməkçi hakim: Maykl Mullarkey
Dördüncü hakim: Martin Atkinson (hər ikisi İngiltərə)
23:00. İngiltərə - İslandiya - 1:2
Qollar: Ueyn Runi, 4-pen - Raqnar Siqurdsson, 6, Kolbeyn Siqtorsson, 18
Baş hakim: Damir Skomina
Yan xətt hakimləri: Yure Praprotnik, Robert Vukan
Əlavə köməkçi-hakimlər: Matey Yuq, Slavko Vinçiç (hamısı Sloveniya)
Ehtiyat köməkçi hakim: Roberto Alonso Fernandes
Dördüncü hakim: Karles Velasko Karbalyo (hər ikisi İspaniya)
