"Kəpəz" avrokuboklarda 11-ci oyununu keçirəcək. Sportnet.az-ın məlumatına görə, Gəncə klubu 16 illik fasilədən sonra yenidən qiyəmiqyaslı turnirdə qüvvəsini sınayacaq.
Bununla da Şahin Diniyevin yetirmələri Avropa Liqası adlı yarışda debüt edəcəklər. Çünki "Kəpəz" bu turnirin əvvəlki adı olan UEFA kubokunda iştirak edib. Komandanın avrokuboklarda debütü məhz yarışda olub.
Gəncəlilər bunadək artıq tarixin yarddaşına köçən Kuboklar Kubokunda, habelə Çempionlar Liqasında (ÇL) qüvvəsini sınayıb. Ümumi oyunların balansı bizim üçün ürəkaçan deyil. Əvvəla, "Kəpəz" indiyədək həmişə mübarizəni ilk mərhələdə dayandırıb. Keçirilən 10 oyundan 9-də məğlubiyyət, yalnız 1-də qələbə (topların fərqi 5-27) olub. Həmin ÇL oyununda "Kəpəz" 2:1 qalib gələrək iki oyunun nəticəsinə görə hesabı bərabərləşdirmişdi. Sadəcə, evdə buraxılan qol rəqibi cütün qalibi etdiyindən, həmin qələbə gəncəlilər üçün yalnız təsəlli olub.
Avrokubok oyunlarının hamısında "Kəpəz"in baş məşqçisi Mehman Allahverdiyev olub. Təcrübəli mütəxəssis hazırda klubun icraçı-direktorudur.
"Kəpəz" üçün avrokuboklarda iştirak hələ ki nə qədər uğursuz olsa da, ilkə imza ata bilib. Belə ki, Azərbaycanın qitəmiqyaslı turnirdə ilk qolunun müəllifi məhz gəncəli futbolçu olub. Bu, Avstriyanın "Austriya-Memfis" klubu ilə səfər matçında fərqlənən hücumçu Yadigar Süleymanov olub. Yeri gəlmişkən, onu kiçik qardaşı İmamyar Süleymanov da "Kəpəz"in heyətində avrokuboklara qol vurmağı bacarıb.
Onu da qeyd edək ki, "Kəpəz" avrokuboklarda ilk dəfə iyunda oyun keçirəcək. Komandanın bunadək matçları digər yay aylarında - iyulda və avqustda olub.
"Kəpəz"in avrokuboklarda oyunları
1994/95 mövsümü
8 avqust
"Kəpəz" - "Autsriya-Memfis" (Avstriya) - 0:4
Sumqayıt. Mehdi Hüseynzadə adına şəhər stadionu
22 avqust
"Austriya-Memfis" (Avstriya) - "Kəpəz" - 5:1
Qol: Yadigar Süleymanov, 26
Vyana. "Austriya Arena"
1997/98 mövsümü
Kuboklar Kuboku
14 avqust
"Dinaburq" (Latviya) - "Kəpəz" - 1:0
Dauqavsplis. "Dauqavasa Arena"
28 avqust
"Kəpəz" - "Dinaburq" (Latviya) - 0:1
Gəncə. Şəhər stadionu
1998/99 mövsümü
Çempionlar Liqası
22 iyul
LKS (Polşa) - "Kəpəz" - 4:1
Qol: İmamyar Süleymanov, 82
Lodz. "LKS Arena"
29 iyul
"Kəpəz" - LKS (Polşa) - 1:3
Qol: Dmitri Smirnov, 55
Gəncə. Şəhər stadionu
1999/00 mövsümü
Çempionlar Liqası
14 iyul
"Sloqa Yuqomaqnat" (Makedoniya) - "Kəpəz" - 1:0
Skopye. "II Filipp" stadionu
28 iyul
"Kəpəz" - "Sloqa Yuqomaqnat" (Makedoniya) - 2:1
Qollar: Ramiz Məmmədov, 20, Vidadi Rzayev, 90-pen
Bakı. Tofiq Bəhramov adına Respublika stadionu
2000/01 mövsümü
UEFA Kuboku
8 avqust
"Kəpəz" - "Antalyaspor" (Türkiyə) - 0:2
Bakı. Tofiq Bəhramov adına Respublika stadionu
24 avqust
"Antayaspor" (Türkiyə) - "Kəpəz" - 5:0
Antalya. Atatürk stadionu
