"Qəbələ"nin sabiq baş məşqçisi Toni Adams özünə yeni iş yeri tapıb. Sportnet.az-ın "Daily Telegraph"a istinadən məlumatına görə, 50 yaşlı ingiltərəli mütəxəssis London "Arsenal"ının 18 yaşadək futbolçulardan ibarət komandası ilə işini davam etdirməkdən imtina edib.
Doğma klubunda sınaq müddətini başa vuran Adams Çinin "Çuntsin Lifan" klubunun təklifini qəbul edib. O, gənclər departamentinin direktoru postunu tutacaq.
Xatırladaq ki, "Qəbələ" ilə yollarını ötən ay ayıran Adams baş məşqçi ilə yanaşı, klub prezidentinin müşaviri və futbol direktoru vəzifələrində olub.
