"Atletiko Madrid" klubu yeni transferini açıqlayıb. Sportnet.az-ın məlumatına görə, paytaxt təmsilçisi "Sevilya”dan fransız hücumçu Kevin Qameyronu heyətinə cəlb edib.
Bu haqda "Atletiko Madrid"in rəsmi saytında məlumat verilib. Son 3 mövsümdə "Sevilya” formasını geyinən 29 yaşlı forvard madridlilərlə 4 illik müqavilə imzalayıb. Fransız futbolçunun transfer qiyməti açıqlanmasa da, İspaniyadakı bəzi mənbələr bu keçidin 32 milyon avroua başa gəldiyini qeyd ediblər.
"Sevilya"da çıxış etdiyi 3 mövsümdə 67 qol vurub 17 məhsuldar ötürmə edən Qameyro ardıcıl 3 il Avropa Liqasının qalibi olub.
