Türkiyə "Trabzonspor"unun yeni transferi Ramil Şeydayev növbəti qolunu vurub. Sportnet.az-ın məlumatına görə, əslən azərbaycanlı hücumçu bu dəfə Macarıstan MTK-sı ilə yoldaşlıq görüşündə fərqlənib.
O, 68-ci dəqiqədə hesabı 4:0-a çatdırıb. Görüş isə "Trabzonspor"un 5 cavabsız qolu ilə nəticələnib. Qalan 4 topdan 2-ni Mehmet Ekici (38; 78-penalti ilə), Okay Yokuşlu (39), Yusuf Erdoğan (61) vurub.
Qeyd edək ki, MTK Avropa Liqasının II təsnifat mərhələsində "Qəbələ"nin rəqibi olub. Hər iki matçda Azərbaycan təmsilçisi qalib gəlib - 2:1, 2:0. Ramil Şeydayev "Trabzonspor"da ilk qolu iyunun 27-də Avstriyanın 4-cü liqa təmsilçisi "Gerasdorf" klubuna 6:1 hesabı ilə qalib gəldikləri matçın 87-ci dəqiqəsində vurub.
