"Neftçi"nin rəhbərliyi azarkeşlərinə qarşı qeyri-adi addım atıb. Sportnet.az-ın məlumatına görə, "ağ-qaralar"ın "Facebook" sosial şəbəkəsindəki ən böyük azarkeş səhifəsi olan "Neftchi Baku [Fan Page]" polisə şikayət olunub.
Bu haqda səhifənin yaydığı açıqlamada məlumat verilib. Bildirilir ki, şikayətçi tərəf klub rəhbərliyidir: "Deməli dostlar indi bizə zəng edib polis bölməsindən deyirlər ki, bəs "Neftçi" rəhbərliyi sizdən şikayət edib bizə. Bəs siz rəhbərliyi təhqir edirsiniz, söyürsünüz.
Birincisi. Bacarıqsız, şəriştəsiz, məsuliyyətsiz dediyimiz sözlər təhqir yox tənqidin bir formasıdır. Daha sonra isə biz sizdən şikayət yox, kişi kimi azarkeşləri çağırıb söhbət etmək gözləyirdik. Dəfələrlə yalandan aldatdığınız azarkeşləri indi şikayət edirsiniz. Axı niyə? Sizin bacarıqsız olduğunuzu dediyimiz üçün? Yoxsa "Neftçi"ni saldığınız bu hala görə sizə buna göz yummadığımız üçün? Utanın. Sizə böyük klubun başında durmaq yaraşmır".
