Azərbaycan avrokuboklarda "Dalğa Arena"da qolsuzluq seriyasına son qoyub. Sportnet.az-ın məlumatına görə, buna "Qəbələ" Avropa Liqasının pley-off mərhələsində Sloveniyanın "Maribor" klubu ilə ilk matçda (3:1) nail olub. Həmin qolun müəllifi 37-ci dəqiqədə fərqlənən estoniyalı hücumçu Sergey Zenyov olub.
Məlum olduğu kimi, "Qəbələ"yədək bu yay "Kəpəz" "Dalğa Arena"da avrokubok matçlarını keçirib. Ancaq Şahin Diniyevin komandası Avropa Liqaslnın I və I təsnifat mərhələsində "Daçiya" (Moldova, 0:0) və "Admira" (Avstriya, 0:2) ilə ev matçlarında rəqib qapısına yol tapa bilməmişdi. Roman Qriqorçukun komandası isə Mərdəkan qəsəbəsindəki stadionda 1 oyunda 3 qol vurmağı bacarıb və bu, ən yüksək məhsuldarlıqdır.
Klublarımız "Dalğa Arena"dayadək yalnız 2012/13 mövsümündə oyunlar keçirib. Bu, "Bakı", "İnter" və "Neftçi" olub. Mərdəkan stadioindakı ilk qolumuzu "İnter"in makedoniyalı yarımmüdafiəçisi Slavço Georgiyevki vurub. O, Estoniyanın "Trans" klubuna 2:0 hesabı ilə qalib gəldiyimiz cavab matçının 21-ci dəqiqəsində hesabı açıb. "İnter" "Dalğa Arena"da keçirdiyi 2 oyunda 3 dəfə rəqib qapısına yol tapıb. Digər qolların müəllfiləri yarımmüdafiəçi Nizami Hacıyevlə braziliyalı hücumçu Tadeş Sützdür.
"Bakı"ya "Dalğa Arena"da keçirdiyi 1 matçda qolsuz heç-heçə etdiyindən fərqlənə bilməyib. "Neftçi" həmşəhərlilərindən fərqli bu stadionda təkcə Avropa Liqası yox, Çempionlar Liqası (ÇL) matçı da keçirib. ÇL-də İsrailin "Hapoel" (Kiryat Şmona) klubu ilə 2:2 hesabı ilə nəticələnən cavab oyununda yarımmüdafiəçilər Cavid İmamverdiyevlə Julius Vobay qol vurublar. Nəhayət, Avropa Liqasının pley-off mərhələsində Kiprin APOEL klubu ilə 1:1 hesabı ilə nəticələnən cavab matçında Mahir Şükürov 82-ci dəqiqədə penaltidən fərqlənib. 2012-ci ilin avqustun 23-də keçirilən həmin matçdan 4 il, 1457 gün sonra "Dalğa Arena"da qol vura bildik.
Mehman Süleymanov
Yazı AFFA yanında Medina Komitəsinin dəstəyi ilə hazırlanıb
