Azərbaycan UEFA-nın reytinq siyahısında mövqeyini qoruyub. Sportnet.az-ın məlumatına görə, Avropa Liqasının qrup mərhələsində 2 klubla düşən ölkəmiz 25-ci pillədə qalıb. Son 5 mövsümün nəticələrinə əsasən hesabımızda 16.500 xal var. Azərbaycan özündən irəlidə olan İsraillə xal fərqini 0.125-dək azaldıb.
Klublarımız pley-off mərhələsində cavab oyunlarında 0.250 xal qazanıb. Bu da "Qarabağ" İsveçin "Göteborq" klubunu Bakıda 3:0 hesabı ilə məğlub etməsi nəticəsində reallaşıb. "Qəbələ" isə Sloveniyada "Maribor"a 0:1 hesabı ilə uduzduğundan xalsız qalıb.
Nəticədə cari mövsümdə xalımız 3-ə çatıb. Bunun böyük hisəsi yenə "Qəbələ"nin payına düşür - 1.375. "Qarabağ" 0.875, artıq mübariə dayandıran "Neftçi" ilə "Kəpəz" hərəyə 0.375 xal qazanıblar.
