Azərbaycan Premyer Liqasında yaranan fasilədən istifadə edən "Kəpəz” bu gün yoxlama oyunu keçirib. Sportnet.az-ın məlumatına görə, Gəncə təmsilçisi 21 yaşadək futbolçulardan ibarət yığmamızla qarşılaşıb.
Bakı Olimpiya stadionunun ehtiyat meydançasında baş tutan görüş millimizin 2:1 hesablı qələbəsi ilə başa çatıb. Yaşar Vahabzadənin yetirmələri bundan öncə həmin məkanda AZAL-la keçirdiyi yoxlama matçında qolsuz bərabərliyə qalmışdı.
