"Qəbələ"nin Avropa Liqasının qrup mərhələsindəki rəqibi Belçika "Anderlext"i yeni transferlərini təqdim edəcək. Sportnet.az-ın məlumatına görə, təqdimat mərasimi komandanın açıq məşqi zamanı baş tutacaq.
Mərasim sentyabrın 14-də komandanın ev oyunlarını keçirdiyi "Konstant Vanden Stok" stadionunda olacaq. Təqdimat mərasimindən sonra azarkeşlər məşqi izləmək imkanı əldə edəcək. Bu "Anderlext"in "Qəbələ" ilə keçiriləcək oyundan öncə son məşqi olacaq.
Sentyabrın 11-də Belçikada keçiriləcək "Anderlext" - "Qəbələ" matçı Bakı vaxtı ilə saat 21:00-da başlayacaq.
Qeyd edək ki, Avropa Liqasının C qrupunda "Qəbələ", "Anderlext", "Sent-Etyen" (Fransa) və "Mayns" (Almaniya) komandaları yer alıb.
