Bu gün UEFA Çempionlar Liqasının (ÇL) 2016/17 mövsümünün qrup mərhələsinin oyunlarına start verilib. Sportnet.az-ın məlumatına görə, Türkiyənin turnirdə yeganə təmsilçisi olan "Beşiktaş" ilk turda səfərdə əzmkar heç-heçəyə imza atıb.
Belə ki, Şenol Günəşin komabdası "Benfika" ilə səfər matçında 1 xalı son saniyələrdə vurduğu qolla qazanıb. Özü də bunun müəlifi lissabonluların "Beşiktaş"a icarəyə verdiyi futbolçu Anderson Taliska olub. Hücumçu uzaq məsafədən cərimə cərbəsindən gözəl qola imza atmaqla müqavilə ilə məxsus oduğu klubu qələbədən məhrum edib.
Ümumiyyətlə, start məhsuldar alınıb. Avropa nəhəngləri "Barselona" ilə "Bavariya" 2 oyuna 12 cavabsız qol vurublar. İlk turda qaçırılan penaltilər, qırmızı vərəqələr də az olmayıb.
13 sentyabr
A qrupu
"Bazel” (İsveçrə) – "Ludoqorets” (Bolqarıstan) - 1:1
Qollar: Renato Steffen, 80 - Conatan Kafu, 45
PSJ (Fransa) – "Arsenal” (İngiltərə) - 1:1
Qollar: Edinson Kavani, 1 - Aleksis Ançes, 80
Qırmızı vərəqələr: Marko Verratti, 90+4 (PSJ, ikinci sarı), Olivye Jiru, 90+4 ("Arsenal", ikinci sarı)
B qrupu
"Benfika” (Portuqaliya) – "Beşiktaş” (Türkiyə) - 1:1
Qollar: Franko Emanuel Servi, 13 - Anderson, Taliska, 90+3
"Dinamo” (Kiyev, Ukrayna) – "Napoli” (İtaliya) - 1:2
Qollar: Denis Qarmaş, 26 - Arkadiuş Milik, 37, 45+2
Qırmızı vərəqə: Sergey Sidorçuk, 68 ("Dinamo", ikinci sarı)
C qrupu
"Barselona” (İspaniya) – "Seltik” (Şotlandiya) - 7:0
Qollar: Lionel Messi, 3; 27; 60. Neymar, 50, Andreas İnyesta, 59, Luis Suares, 75, 88
24-cü dəqiqədə Musa Dembele ("Seltik") penaltini qaçırıb.
"Mançester Siti” (İngiltərə) – "Borussiya” (Mönhenqladbax, Almaniya) - təxirə salınıb
D qrupu
"Bavariya” (Almaniya) – "Rostov” (Rusiya) - 5:0
Qollar: Robert Levandovski, 27-pen, Tomas Müller, 45+2, Joşua Kimmix, 53, 60, Xuan Bernat, 90
PSV (Hollandiya) – "Atletiko Madrid” (İspaniya) - 0:1
Qol: Saul Nigues, 43
45+2-ci dəqiqədə Andres Quardado (PSV) penaltini qaçırıb.
14 sentyabr
E qrupu
"Bayer” (Almaniya) – MOİK (Moskva, Rusiya)
"Tottenhem” (İngiltərə) – "Monako” (Fransa)
F qrupu
"Legiya” (Polşa) – "Borussiya” (Dortmund, Almaniya)
"Real Madrid” (İspaniya) – "Sportinq” (Portuqaliya)
G qrupu
"Brügge” (Belçika) – "Lester” (İngiltərə)
"Porto” (Portuqaliya) – "Kopenhagen” (Danimarka)
H qrupu
"Yuventus” (İtaliya) – "Sevilya” (İspaniya)
"Lion” (Fransa) – "Dinamo” (Zaqreb, Xorvatiya)
ÇL-də cari mövsümün qrup mərhələsinin oyunlarının digər tarixləri aşağıdakı kimidir:
2-ci tur (27-28 sentyabr)
3-cü tur (18-19 oktyabr)
4-cü tur (1-2 noyabr)
5-ci tur (22-23 noyabr)
6-cı tur (6-7 dekabr)
Qrup yarışlarını ilk iki sırada bitirən komandalar növbəti mərhələyə vəsiqə qazanacaqlar. 3-cü yerin sahibləri isə Avropa Liqasında mübarizəyə qoşulacaqlar.
Qrup mərhələsindən sonrakı oyunların təqvimi isə belədir:
1/8 final mərhələsi
İlk oyunlar (14-15 fevral, 21-22 fevral)
Cavab matçları (7-8 mart,14-15 mart)
1/4 final mərhələsi
İlk oyunlar (11-12 aprel)
Cavab matçları (18-19 aprel)
Yarımfinal mərhələsi
İlk oyunlar (2-3 may)
Cavab matçları (9-10 may)
Final matçı 2017-ci ilin iyunun 3-də Uelsin Kardiff şəhərində məşhur "Millenium” stadionunda keçiriləcək.
