"Həm "Qarabağ"a, həm də "Qəbələ"yə uğurlu start arzu edirəm. Hər kəs bunu səbirsizliklə gözləyirdi. Rəqibə qarşı ən doğrusun etməyə, səhvsiz oynamağa çalışacağıq. Qrup təcrübəsi olan komandadır". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov Avropa Liqasının qrup mərhələsində Çexiyanın "Slovan" klubu ilə keçiriləcək oyundan əvvəl təşkil olunmuş mətbuat konfransında deyib.
Daha sonra Q.Qurbanov jurnalistlərin suallarını cavablandırıb.
- "Slovan"la oyunda AZAL-la görüşdə olduğu start heyətini meydanda görəcəyik, ya dəyişiklik edəcək?
- Ola bilər ki, bir neçə dəyişiklik olsun. Amma elə də ciddi olmayacaq.
- Stadion problemi komandaya nə dərəcədə təsir göstərəcək? Bu görüşlə "Qarabağ" həm azarkeş, həm də maddi baxımdan itirib...
- Fikrimcə bu amilləri şişirtmək lazım deyil. Oyuna az vaxt qalıb və bu barədə düşünmürük. Əlimizdəki şəraitdən yararlanmağa çalışırıq. Bəzi nüanslar var ki, kənara çıxa bilmərik. Bu günə qədər narahatçılıq olub. Amma indi bütün diqqətimizi oyuna yönəltməliyik.
- Rəqibin kapitanının zədələnməsi oyun planınız pozmadı?
- Bu komandanın seçimi çoxdur. Heç bir məşqçi əsas heyət opunçusunun yoxluğunu istəməz. Belə komandalar bu cür hallara hazırdır. Hər bir məşqçinin əlində 14-15n eyni səviyyuəli futbolçu olur. Ən çox da Avropa komandalarında bu müşahidə olunur. Onlar bizdən daha çox bu turnirlərdə iştirak edib. İnanmıəram ki, onlarda bununla bağlı hansısa problem yaransın. Bir oyunçuya görə, nəyisə axtarsaq çətinlik çəkərik. Onlar öz oyun üslubundan ləzzət alırlar. İlk məqsədləri rəqibə oynamağa qoymamalarıdır. Biz də qalib gəlmək üçün rəqibi öz oyun üslubundan uzaqlaşdırmalıyıq. Öz düşüncələrimizi meydanda yerinə yetirməyə çalışacağıq. Hər iki komanda ilk dəqiqələrdən nəticə üçün çalışacaq.
- Sentyabrın 15-də Bakı azad olunub. Futbolçularla qələbə hədiyyəsi haqda belə bir söhbət olub?
- Biz belə bir günlərə önəm veririk. Ancaq idmanda bir gün üçün yox, daima qələbə hədiyyə etməyə çalışırıq. Güləşçilərimiz var ki, daima ermənilərə qalib gəlir, amma olimpiadada məğlub oldu. Bu o demək deyil ki, uduzdu. Sadəcə təzyiq çox idi. Bizim hər bir uğurumuz xalqımız üçün hədiyyədir.
- "Slovan"ın heyətində Milan Baroş kimi təcrübəli oyunçiu var. Bu futbolçuya qartşı hansı oyun üslüubu həyata keçiriləcək?
- Diqqət ayrılacaq. Çünki bu futbolçu topa çox yaxşı nəzarət edir. Topu asan vermir. Ümumi nəzarət olacaq. Düşüncəmdə belə bir təkətək oyun yoxdur. Ancaq hərənin öz mövqeyi var. Amma digər oyunçularla müqayisədə ona bir az artıq diqqət ayrılacaq.
- Artıq 3-cü ildir ki, qrup oyunlarına hazırlaşırsınız. Əvvəlki həyacan varmı?
- İdman elə bir sahədir ki, təcrübə çox olduqca həyacan artır. Hər kəs daha artığını tələb edir. Bu səbəbdən həyacan artır. Təki bu səviyyədə qalaq. İşimizdə məsuliyyətli olmalıyıq. Hər bir oyunda həyacan olur. Çünki hər il Avroliqada çıxış etmək üçün ilk olaraq çempionatda qalib gəlməliyik.
- "Slovan" və "Qarabağ"ın bir-birindən üstün cəhətləri hansılardır?
- Hər komandanın öz üstünlüyü var. Fərqli komandalardır. Futbolda deyirlər ki, 20-30 yaxşı məşqçi var və tanınçmış mütəxəssislərdir. Onların öz fəlsəfəsi var. Hərəsi bir turnirin qalibi olur. Amma düşüncə eynidir - qalib gəlmək. Fərq çoxdur, komandaya qalib gəlmək üçün çalışmalıyıq.
- Çexiya komandası Çempionlar Liqasına gedən yolumuzu kəsdi. İndi də Avropa Liqasının ilk oyununda Çexiya klubu ilə qarşılaşacaqsınız. Qisas hissi var?
- Qisas hissi yoxdur. Çexiyalı futbolçular Avropa İntizam baxımından seçilən futbolçulardır. Qisas sualı çox hallarda verilir. Amma idmanda belə bir prinsip yoxdur. Bir də qarşılaşası olsaq, o zaman həmin səhvlərin təkrarlanmamasını düşünməliyik. Hakimlərə gəldikdə, biz ancaq öz oyunumuzu düşünməliyik.
- Sizə elə gəlmir ki, bəlkə sabahkı rəqibi çox ciddi qəbul edirsiniz? Bəzən bu amil zərər də verə bilər...
- Niyə də ciddi qəbul etməyək? Rəqibdən rəqibə fərq var. Bəzən daha çox dərinə getmək, ciddi qəbul etmək lazımdır. Bəzi rəqib var ki, onları tanımaq üçün çox dərinə getməlisən.
- "Neftçi"nin son durumu sizi narahat edirmi?
- Məni hər hansı bir klub yox, Azərbaycan futbolu narahat edir. Həmişə istəmişəm ki, komandalarımız həm daxili, həm də beynəlxalq oyunlarda uğur qazansınlar. Onlar bizim rəqibimizdir. Bizim işimiz özümüzə qiymət vermək və özümüz haqda düşünməkdir. Hər bir klubun öz idarə heyəti, rəhbəri var. Bizim fikir bildirməyimiz düzgün olmaz. Hətta böyük komandalar da belə hesabla məğlub olur. Biz də 2:6 hesabı ilə məğlub olmuşuq. Bəzən belə məğlubiyyətlərin faydası daha çox olur. Qarşıdakı oyunlara hazırlaşmaq və səhvləri təkrarlamamaq lazımdır.
- "Qarabağ"ın qrup şanslarını necə dəyərləndirirsiniz?
- Püşkatmadan sonra fikir yarandı ki, "Qarabağ" bu qrupdan çıxmalıdır. Bu məsuliyyətdən qaçmaq deyil, ancaq bütün komandalar qrupdan çıxmaq istəyir. Ola bilər ki, bəziləri komandaları dəyərləndirmir. Ancaq nəticə üçün ən düzgününü etməyə çalışacağıq. Onlar da bizə qalib gəlmək, mərhələ adlamağa çalışırlar. Əmin edə bilərəm ki, sona qədər mübarizə aparmağa, nəticə qazanmağa çalışacağıq.
- Stadion baxımından əziyyət çəkdiniz. "Azərsun Arena"nu standartlara cavab verən bir arena etmək üçün rəhbərliklə danışmısınız?
- "Azərsun Arena"ya icazə verilmir. Bu stadion UEFA-nın lazım olan kateqoriyasına cavab vermir. Üstəlik tutumu da azdır. Oyunlarımızı hələ ki, Tofiq Bəhramov da keçirmək istəyirik.
