"Qarabağ"ın Avropa Liqasında rəqibi olan PAOK klubu Yunanıstan Super Liqasında növbəti oyununu keçirib.
Sportnet.az-ın məlumatına görə, Saloniki təmsilçisi II turda "Asteras"ın qonağı olub.
PAOK Bakı "İnter"ini 2012-ci ildə Avropa Liqasında mübarizədən kənarlaşdıran komandanı 2:1 hesabı ilə məğlub edib. Oyunun qəhrəmanı ilk hissədə 2 dəqiqəyə 2 qol vuran hücumçu Eftimois Kulouris olub. Meydan sahibləri 45-ci dəqiqədə qırmızı vərəqə alan futbolçusuna görə azlıqda qalıb. Bununla belə, "Asteras" 10 nəfərlə 61-ci dəqiqədə penatidən hesab arasındakı fərqi azaltmağa müvəffəq olub. Ancaq PAOK qələbə hesabını sonadək qoruya bilib.
Bu, salonikililərin ardıcıl 2-ci qələbəsi olsa da, hesabına ilk 3 xalı yazdıra bilib. Çünki ilk turda qazanılan qələbədən sonra yerli federasiya komandanın 3 xalını silmişdi. İndi PAOK 3 xalla 16 komanda arasında 6-cı pillədə qərarlaşıb.
