Azərbaycanın 17 yaşadək futbolçulardan ibarət yığma komandası Türkiyənin "Altınordu" klubunun "Selçuk-Efes" bazasında toplanışdadır. Sportnet.az-ın məlumatına görə, sentyabrın 19-dan start götürən toplanışda 3 yoldaşlıq görüşü keçiriləcək.
Bu gün baş tutacaq ilk oyunda rəqib İzmir təmsilçisinin U-17 komandası olacaq. Digər yoldaşlıq görüşləri isə 24 və 28 sentyabrda keçiriləcək. Lakin bu dəfəki rəqiblərin "Altınordu"nun hansı yaş qrupu olacağı dəqiqləşməyib.
Qeyd edək ki, yığma sentyabrın 29-dək toplanışı davam etdirəcək.
