Bu gün futbol üzrə Türkiyə Super Liqasında mövsümün ilk derbisi keçirilib. Sportnet.az-ın məlumatına görə, İstanbuldakı "Vodafone Arena"da "Beşiktaş"la "Qalatasaray" üz-üzə gəlib. Bakı vaxtı ilə saat 21:00-da başlanacaq görüşə FİFA referisi Ali Payabıyıkın rəhbərlik etdiyi hakimlər briqadası idarə edib.
"Qalatasaray" oyunda 2 top fərqi ilə irəlidə olsa da, üstünlüyünü 5 dəqiqəyə əldən verib. "Beşiktaş" qısa müddətdə vurduğu 2 qolla məğlubiyyətdən xilas olub - 2:2.
Bununla da iki komanda arasındakı 340-cı qarşılaşma heç-heçə nəticələnib İlk dəfə 22 avqust 1924-cü ildə görüşən klubların 399 oyununun 120-də "Qalatasaray", 107-də "Beşiktaş" qalib gəlib. 113 görüşdə isə qalib müəyyənləşməyib.
Hər 2 komanda 5 oyundan sonra 11 xalla turnir cədvəlindəə 2-3-cü pillələri bölüşdürürlər. "Qara Qartal" topların daha yaxşı fərqinə prinsipial rəqibini qabaqlayır.
Türkiyə Super Liqası, V tur
21:00. "Beşiktaş" - "Qalatasaray" - 2:2
Qollar: Marselo, 73, Rikardo Kuaresma, 78 - Eren Derdiyok, 8, Bruma, 44
Baş hakim: Ali Payabıyır
İstanbul, "Vodafone Arena".
