"Qarabağ"ın Avropa Liqasının qrup mərhələsində rəqibi olan Çexiyanın "Slovan" klubunun ölkə çempionatında bu gün keçirilməli olan oyunu təxirə salınıb. Sportnet.az-ın məlumatına görə, Liberets təmsilçisi VIII turda "Karvina"nın qonağı olmalı idi. Ancaq bu matç həm "Slovan"ın gərgin oyunlar qrafiki, həm də heyətində zdə problemi üzündən başqa vaxtda keçiriləcək.
Liberets klubunda hökm sürən qrip epidemiyası üzündən bir sıra futbolçuları infeksiyaya yoluxub. Nəticədə "Slovan" qrupda II turda Yunanıstanın PAOK klubu ilə ev oyunu öncəsi heyətlə bağlı ciddi problemlə üzləşib. Səhhətində problemi olanlar arasında komandanın lideri, "Qarabağ"a Bakıda qol vuran təcrübəli hücumçu Milan Baroş da var.
