Kolumbiyada keçirilən futzal üzrə dünya çempionatında yarımfinal mərhələsinə yüksələn ilk 2 komandanın adı müəyyənləşib.
Sportnet.az-ın məlumatına görə, bunlar İran və Rusiya yığmalarıdır.
1/4 finalda İran Paraqvayı əlavə vaxtda vurduğu qolla məğlub edib - 4:3. Rusiya isə İspaniyadan üstün olub - 6:2. Beləliklə, sentyabrın 28-də gecə saat 04:00-da başlanacaq ilk yarımfinal görüşündə İran Rusiya ilə üz-üzə gələcək.
Həm İran, həm də İspaniya Azərbaycanla eyni qrupda mübarizə aparıb.
Qeyd edək ki, daha 2 yarımfinalçı bu gecə müəyyənləşəcək. Saat 00:30-da Argentina Misirlə, saat 03:00-da Azərbaycan Portuqaliya ilə görüşəcək.
