Fransa millisinin və İngiltərənin "Mançester Siti” klubunun futbolçusu Samir Nəsri yığmadan ayrılacağını bildirib. Sportnet.az-ın məlumatına görə, millidə xoşbəxt olmadığını deyən 27 yaşlı yarımmüdafiəçi doğru zamanda qərarını açıqlayacağını söyləyib.
Uzun zamandır düşündüyünü bildirən fransalı futbolçu qərarının səbəbini belə açıqlayıb: "Hər şey AÇ-2012-dən sonra başladı. Deyilən sözlər məni çox maraqlandırmır, ancaq mətbuatda çıxan söz-söhbəti ailəm oxuyur. Özüm İngiltərədə yaşadığım üçün mənə çox da təsir etmir. Ancaq ailəm üçün olduqca çətindir. Onları xoşbəxt etmək istəyirəm. Milli komandada xoşbəxt deyiləm. Fransa yığmasında heçnə qazana bilmədim. Ona görə də, bu cür qərar vermək elə də çətin deyil".
Qeyd edək ki, Samir Nasri 2010 və 2014-cü ildə keçirilən Dünya Çempionatlarında da Fransa millisinə çağırılmamışdı
