Dünyanın ən bahalı futbolçularından olan Qaret Beyl maraqlı açıqlama verib. Sportnet.az-ın məlumatına görə, "Real Madrid"in və Uels yığmasının liderlərindən olan 27 yaşlı yarımmüdafiəçi "Qızıl top"u qazanmaq istəmədiyini bildirib.
Beylin sözlərinə görə, dünyanın ən yaxşı futbolçusuna verilən bu mükafata namizəd olan 30 nəfərlik siyahıya daxil olsa da, həmin titula can atmır: "Mənim üçün "Qızıl top"un sahibi olmaq heç vaxt məqsəd olmayıb. Mən heç vaxt bu mükafat uğrunda qalib gəlməyi arzulamamışam. Çempionlar Liqasında və ya milli çempionatlarda qələbəni istəyirəm. Çempionlar Liqasının qalibi olmağa başlasam, fərdi mükafatlar gələcək. Ancaq bu, indi düşündüyüm şey deyil. Çox futbolçu yaxşı mövsüm keçirib. Messi və Ronaldu yaxşı oynayıb. Krştianu inanılmaz idi. O. Çempionlar Liqasını və Avropa çempionluğunu qazanıb. Amcaq mən münsif deyiləm. Ona görə də deyə bilmərəm ki, "Qızıl top"un qalibi kim olacaq. Komanda yoldaşlarıma və qalan bütün futbolçulara uğurlar arzulayıram".
