Bu gün Türkiyə Kubokunda qrup mərhələsinin püşkü atılıb. Sportnet.az-ın məlumatına görə, Azərbaycan milli komandasının futbolçusu Ramil Şeydayevin çıxış etdiyi "Trabzonspor” klubunun rəqibləri müəyyənləşib.
Sonuncu – H qrupunda yer alan Trabzon təmsilçisinin rəqibləri Superliqadan "Atiker Konyaspor”, aşağı liqadan "Kızılcabölükspor”la "Gümüşhanəspor”dur. Milli komandamıza namizəd olan hücumçu Dəniz Yılmazın şərəfini qoruduğu "Bursaspor” isə G qrupunda Superliqadan "Akhisar Bələdiyyəspor”, aşağı diviziondan "Ümraniyəspor” və "Aydınspor”la qüvvəsini sınayacaq.
Turnirin iştirakçısı olan 32 komanda 8 qrupda iki dövrədən ibarət mübarizədə yarışacaq. Yəni hər komanda bir-biri ilə 2 dəfə üzləşəcək. Hər qrupda ilk 2 yeri tutan komandalar növbəti mərhələyə vəsiqə qazanacaq.
