"İnter" klubunun prezidentinin səlahiyyətlərini müvəqqəti icra edən Rüfət Abdullayev bu gün "İnter" Azarkeş Klubunun üzvləri ilə görüşüb. Sportnet.az-ın məlumatına görə, "İnter Arena" stadionunun mətbuat konfransı zalında baş tutan görüşdə Abdullayev komandaya göstərdikləri dəstəyə görə azarkeşlərə minnətdarlığını bildirib.
O vurğulayıb ki, klub rəhbərliyi bundan sonra da azarkeşlərlə münasibətlərinin yüksək səviyyədə saxlanılmasına çalışacaq. "İnter" Azarkeş Klubu üzvlərinin fikir və təkliflərini dinləyən Abdullayev belə xoş münasibətlərin daha da inkişaf edəcəyinə əmin olduğunu açıqladı.
