Çempionatin XI turunda öz meydanına "Sumqayıt”la qarşılaşacaq "Kəpəz” bu gün Gəncəyə gəlib. Sportnet.az-ın məlumatına görə, oyuna hazırlığın əsas hissəsini Bakıda keçirən komanda matç öncəsi son məşqinə görüş keçiriləcək stadionda çıxıb.
Təxminən 45-50 dəqiqə sürən hazırlıq prosesi yüngül xarakter daşıyıb. İsinmə təmrinlərinin yerinə yetirilməsi başlayan məşq toplu çalışmalarla davam edib və taktiki məşqlə başa çatıb.
Məşq mətbuat və azarkeşlər üçün açıq olub. Hazırlığın sonunda fanatlar futbolçularla şəkil çəkdirib, avtoqraf alıblar.
