"Bizim oyunumuz "sınmadı". Bizi "sındırdılar"". Sportnet.az-ın məlumatına görə, bu fikirləri "İnter"in baş məşqçisi Zaur Svanadze Azərbaycan Premyer Liqasının XI turunda "Neftçi" ilə oyundan sonra açıqlamasında bildirib. Gürcü mütəxəssis baş hakim Rəvan Həmzəzadənin səhv penalti qərarından çox narazı qalıb: "Biz həmişə "Fair Play", təmiz futbol oynayırıq. Qoy, bizimlə də belə oynasınlar. Bizlik bir şey olmadı, oyumumuzu "sındırdılar".
"İnter"in kapitanı Nizamı Hacıyev ikinci hissədə baş hakimə yaxınlaşaraq, oyuna düzgün idarə et, yoxsa komandanı meydandan çıxarıb" söyləyib. Buna münasibətini bildirən Svanadze belə göstəriş vermədiyini bildirib: "Axı mən belə söz deyə bilmərəm. Yəqin ki, futbolçular epizoda yaxın idi və onlar daha yaxşı görüblər. Buna görə əsləbləri dözməyərək belə deyiblər. Bunu deyibsə, futbolçunun öz təşəbbüsüdür. Mən bilmirəm Nizami nə deyib, gərək baxıb araşdıraq. Aydınlaşdırandan sonra fikir söyləyə bilərəm. Mən həmin ezizoddan uzaqda idim".
Baş hakim normal 1:2 hesabı ilə uduzduqları matçda normal oynadıqlarını söyləyib: "Ancaq ikinci hissədə bilmədim, hakim niyə belə qərar verdi. Videotəkrara baxmaq lazımdır. Uşaqlar deyir ki, penalti yox idi. Qərarı da əsas hakim yox, köməkçi hakimlərdən biri verdi. Anlaşılmaz qərar idi. Hakimlər barədə bu günə qədər danışmamışdım. Hamıya qarşı feyr-pley nümayiş etdirmişik. İstəyirik ki, bizə qarşı da belə davransınlar. Səhvlərimiz üzərində işləyəcəyik".
Rəşad Qasımov "İnter"in prezident postundan getdikdən sonra komanda ilk məğlubiyyətini aldı. Svanadze bunu Qasımovun gedişi ilə əlaqələndirməyib: "Onun gedişi təsir etmədi. Düzü, biz məğlubiyyətə layiq deyildik. Bu gün bizdə çatışmayan Rauf Əliyev idi. Ümid edirən ki, ayın 20-nə kimi tam hazır olacaq".
Svanadze rumıniyalı müdafiəçi Manuel Skarlatakenin son oyunlarda şans qazanmamığını hələ ki, hazır olmamağı ilə bağlayıb: "Komanda yaxşı oynayanda, heyətdə dəyişiklik etmirsən. Hər bir futbolçunu diqqətdə saxlayırıq. Skarlatakeyə də şans verəcəyik".
