"Boavişta" klubunun formasını geyinən yığmamızın qapıçısı Kamran Ağayev artıq portuqaliyalı azarkeşlərin sevimlisinə çevrilib.
Sportnet.az-ın baku.ws-ə istinadən məlumatına görə, fanatları çempionatın son turunda "Rio-Ave" ilə səfər matçında tribunadan çəkdikləri video bunu bir daha göstərir. "Rio-Ave" ilə matçda gözəl seyvlər edərək komandasının 2:1 hesablı qələbəsini təmin edən Ağayav oyundan sonra komanda yoldaşları ilə azarkeşlər olan tribunaya yaxınlaşıb. O, azarkeşləri coşdurmaq üçün jestlər edib.
Qeyd edək ki, Kamran Ağayevin şərəfini qoruduğu "Boavişta" Portuqaliya çempionatında 13 xalla turnir cədvəlinin 8-ci pilləsində qərarlaşıb. Komanda Kamran Ağayevin gəlişindən sonra inamlı oyun sərgiləyir.
