Azərbaycan milli komandasının DÇ-2018-in seçmə mərhələsindəki rəqibi olan Almaniya millisinin heyətində ciddi itki baş verib.
Sportnet.az-ın məlumatına görə, "Bavariya”nın müdafiəçisi Jerom Boatenq dizindən zədələnib.
28 yaşlı futbolçunun zədəsini klub prezidenti Karl-Haynz Rummenige də təsdiq edib:
"Boatenqin zədəsi elə də ciddi deyil. Buna baxmayıb onu heyətə cəlb etmək düzgün olmazdı. Bu halda müdafiəçinin sağlamlığını riskə atmış olardıq".
Qeyd edək ki, Qana əsilli oyunçu millisinin San Marino və İtaliya ilə qarşılaşmalarını buraxacaq.
