"Fənərbağça”nın hollandiyalı futbolçusu Robin van Persinin gözündə problem yaranıb. Sportnet.az-ın məlumatına görə, Superliqanın son turunda "Akhisar Bələdiyyəspor”la səfər matçının 39-cu dəqiqəsində zədələnən təcrübəli hücumçunu daşıyacaq təcili tibbi yardım maşının açarı itdiyi üçün onu xəstəxanaya çatdırmağa çalışan həkimlər 15 dəqiqə gecikiblər.
Müayinədən sonra bəlli olub ki, Robinin göz qapağı yırtılıb. O, müalicə edildikdən sonra gözündəki sarğı ilə yenidən stadiona gətirilib.
Qeyd edək ki, Van Persi qarşılaşmanın 26-cı dəqiqəsində qol vurmağı da bacarıb.
