"Vest Bromviç”ə zədədən yenicə dönmüşəm. Ümid edirəm ki, cümə günü Azərbaycanla matçda daha yaxşı oyun göstərəcəyəm". Sportnet.az-ın məlumatına görə, bu fikirləri Azərbaycan milli komandasının DÇ-2018-in seçmə mərhələsi çərçivəsində qarşıdakı rəqibi olan Şimali İrlandiya yığmasının futbolçusu Kris Brant deyib.
Bu yay Avropa çempionatının final mərhələsini zədə üzündən buraxmalı olan 31 yaşlı yarımmüdafiəçi millimizlə sabahkı matçda azarkeşlərini sevindirməyə çalışacaqlarını söyləyib: "Hələ ki, yeni stadionumuzda oynamamışam. Uzun müddətdir evdə uduzmuruq. Qrupda yaxşı gedişat əldə etmək üçün müəyyən bir xətt götürmək vacibdir”.
Xatırladaq ki, Brant 2004-cü ildən şərəfini qoruduğu millidə 54 oyunad 1 qol vurub.
