Azərbaycan milli komandasının ardıcıl 2-ci rəsmi oyunda kapitanı Rahid Əmirquliyev olacaq.
Sportnet.az-ın məlumatına görə, "Qarabağ"ın 27 yaşlı yarımmüdafiəçisi Çexiya yığması ilə Ostrava şəhərində qolsuz bərabərliklə nəticələnən matçda olduğu kimi, Şimali İrlandiya yığması ilə Belfastdakı sabahkı matçda da sarğını daşıyacaq. Əmirquliyev bu dəfə də əsas kapitan, zədəli Rəşad Sadıqovu əvəzləyəcək.
Xatırladaq ki, millimizin 4 il öncə Belfastda 1:1 hesabı ilə nəticələnən matçında da Sadıqov zədə üzündən kənarda qalmışdı. Onda sarğı digər vitse-kapitan Ruslan Abışovda olub.
