Portuqlaiya milli komandasının kapitanı Kriştianu Ronaldu bu il dünyanın ən yaxşı futbolçusu seçilib. Sportnet.az-ın məlumatına görə, bu, dünyanın məşhur idman saytlarından olan Goal.com-un versiyasına görə olub.
Ronaldu portalın 38 versiyasının redaktorlarının və müxbirlərin səsverməsi nəticəsində 2 göstəricidə - həm də ən yaxşı hücumçu nominasiyasında 1-ci olub. Bununla da "Real Madrid"in 31 yaşlı hücumçusu həmin mükafatı 4-cü dəfə qazanıb və əsas rəqibi Lionel Messiyə çatıb. Argentina milli komandasının kapitanı bu dəfə səsvermədə 4-cü olub.
Ronaldu bu müfafatı yendən qazanmasının onun üçün böyük qürur olduğunu bildirib: "Bu mükafatı "Real Madrid" və Portuqaliya yığmasında komanda yoldaşlarım üçün alıram. Özümü çox xoşbəxt və qürurli hiss edirəm. Heç bir şey inadkarlıq və komanda yoldaşlarımın köməyi olmadan gerçəkləşmir. Bu, hər ayrı gün ən önəmli şeydir".
Qeyd edək ki, FİFA-nın ilin ən yaxşı futbolçusu ilə bağlı keçirdiyi sorğuda da aşkar favorit olan Kriştianu bu il klubla Çempionlar Liqasını, yığma ilə Avropa çempionluğunu qazanıb.
