UEFA Finlandiya yığmasının və Rusiyanın MOİK klubunun futbolçusu Roman Yeremenkonu 2 illik diskvalifikasiya edib. Sportnet.az-ın Avropa futbol qurumunun rəsmi saytına istinadən məlumatına görə, dopinq testi zamanı futbolçunun orqanizmində kokain metabolitləri aşkarlanıb.
Finlandiya mətbuatı yarımmüdafiəçinin sentyabrda Çempionlar Liqasının qrup matçı ərəfəsində dopinq-tesdə ilişdiyini yazıb.
Qeyd edək ki, futbolçunun dopinqdən istifadəsi şübhələri yarandığından UEFA onu oktyabrın 7-dən bir ay müddətinə yarışlardan kənarlaşdırıb.
