"Buradan məğlubiyyətlə ayrılmaq istəmirdik. Aqressiv oyunumuzun səbəbi də bu idi".
Sportnet.az-ın məlumatına görə, bunu "Zirə"nin baş məşqçisi Adil Şükürov səfərdə "Qəbələ"yə 0:1 hesabı ilə uduzduqları Azərbaycan Premyer Liqasının XII tur matçından sonra CBC Sport-a açıqlamasında deyib.
O, məğlubiyyətə əsas səbəb kimi ələ düşən imkanlardan yararlana bilməmələrini göstərib: "Bunu bacarmırıqsa, məşqlərdə belə epizodlar üzərində çox çalışmalıyıq. Əlimizdəki futbolçuların hər birindən razıyıq və onlara güvənirik. ".
Şükürov qol epizodunda Cavid Tağıyevə qarşı kobudluq olduğunu düşündüklərini, bir anlıq diqqətsizliyin qola gətirib çıxardığını bildirib.
