Topaz Premyer Liqasının ilk turunda "İnter” öz meydanında "Qəbələ” ilə qarşılaşıb. Sportnet.az-ın məlumatına görə, cari mövsümdəki Avroliqada təmsilçilərimizin duelindən bakılılar inamlı qələbə ilə ayrılıb – 4:0. Biabırçı oyundan sonra əyalət təmsilçisin baş məşqçisi Dorinel Munteanu məğlubiyyətə belə "don" geyindirib:
"Mövsümə qələbə ilə başlamaq istəyirdik. Təəssüf ki, bütün komandanın bu gün oyunu alınmadı. Uğursuz çıxış etdik. Təbii ki, "İnter”in də uğurlu oyununu qeyd etməliyəm. Artıq növbəti oyunu düşünəcəyik, qarşıdakı oyuna hazırlaşacağıq. Komandamızın daha yaxşı oyun göstərəcəyinə inanırıq. Məğlubiyyətə baxmayaraq, komandaya inamımız var”.
