İspaniya Primerosunda XII turun mərkəzi oyunu keçirilib. Sportnetaz-ın məlumatına görə, "Atletiko" ilə "Real Madrid arasında paytaxt derbisi qonaqların böyükhesablı qəlbəəsi ilə nəticələnib - 3:0.
Matçın qəhrəmanı het-trik edən Kriştianu Ronaldu olub. Portuqaliyalı hücumçu 23, 71 və 77-ci dəqiqələrdə fərqlənib. İkinci qol referinin şübhəli penalti qərarından sonra gerçəkləşib. Beləliklə, Ronaldu "Real"da vurduğu qolların sayına görə klubun əfsanəvi bombardiri Alfredo Di Stefanonu keçib.
"Real Madrid" hesabına 30-cu xalı yazaraq liderliyini möhkəmləndirib.
