"Neftçi" klubunun futbolçusu Jonas Pessalli 2 həftəyədək sıradan çıxıb. Sportnet.az-ın məlumatına görə, braziliyalı yarımmüdafiəçi "Sumqayıt"la Azərbaycan Premyer Liqasının XII tur matçında sağ pəncəsindən zədələnib.
O, Premyer Liqada "Kəpəz"lə səfər, ölkə kubokunda "Şərurspor"la 1/8 final mərhələsinin oyununu buraxacaq.
Ağır zədədən sonra müalicəsini davam etdirən yarımmüdafiəçi Elşən Abdullayev isə noyabrın 24-də fərdi məşqlərə başlayacaq. Onun komanda ilə məşqlərə nə vaxt qatılacağı hələ dəqiqləşməyib.
