FİFA 2026-cı ildən etibarən dünya çempionatatının iştirakçılarını 32-dən 48-dək artırmaq istəyir. Sportnet.az-ın məlumatına görə, bu təşəbbüsün müəllifi olan FİFA prezidenti Canni İnfantino final mərhələsində hərəsində 3 komanda olmaqla 16 qrupda mübarizənin olmağını planlaşdırır.
Bununla əlaqədar FİFA rəhbərliyi yenilik tətbiq etmək fikrindədir. Bu da qrup mərhələsində oyunlar bərabərliklə nəticələnərsə, qalibi müəyyənləşdirmək üçün penaltilər seriyasının təyin olunmasıdır.
Bu addım ilk növbədə ona görə atılır ki, son turda komandaların hər ikisini qane edərsə, bilərəkdən heç-heçə oynaya bilərlər. Penaltilər seriyası isə matçda qalib olacağına təminat verir.
