"Qarabağ" klubu yeni transferlər üçün yaxşı büdcə ayırır. Mətbuat yazır ki, "Azərsun" bu məsələdə xəsislik edir. Ancaq əslində, bu, belə deyil".
Sportnet.az-ın məlumatına görə, bu fikirləri "Qarabağ"ın kapitanı Rəşad Sadıqov "Xəzər TV"də "Futbol saatı" proqramında bildirib. O bildirib ki, Ağdam klubu heyətinə yüksək səviyyəli legionerlər cəlb etməyə hazır olub: "Baş məşqçimiz Qurban Qurbanov hər legioneri gətirmək istəmir, yaxşı legionerlər də bura gəlmir. Halbuki, "Qarabağ" onların həm transferinə, həm də məvacib baxımından yaxşı məbləğdə pul verirdi. Bunlar arasında Türkiyə Super Liqasında, Rusiya Premyer Liqasında çıxış edən tanınmış legionerlər vardı. Ancaq onlar Avropanın I liqasını Azərbaycan Premyer Liqasından üstün tutublar. Onlara deyilib ki, "Qarabağ" çempion olub, Çempionlar Liqasında çıxış edib, Avropa Liqasında qrupunda oynamış komandadır. Bununla belə, bura gəlmək istəməyiblər. Bu da Azərbaycanda çempionatın səviyyəsi, stadionların vəziyyəti ilə bağlıdır".
