"Neftçi”nin 5 futbolçusu – İbrahim Əliyev, Pilağa Mehdiyev, Kamran İbrahimov, Rəhman Daşdəmirov və Bahadur Həziyev Azərbaycan U-19 yığmasına cəlb olunub. Sportnet.az-ın məlumatına görə, yığmanın baş məşqçisi Təbriz Həsənov həmin oyunçuları Rusiyanın Sankt-Peterburq şəhərində iştirak edəcəkləri Valentin Qranatkinin xatirəsinə həsr olunmuş beynəlxalq turnirə dəvət edib.
U-19 dekabrın 22-dən 30-dək və yanvarın 2-dən 7-dək Bakıda təlim-məşq toplanışı keçəcək.
Xatırladaq ki, yığmamızın yanvarın 7-dən 23-dək təşkil olunacaq turnirin qrupunda rəqibləri Slovakiya, Litva və Qazaxıstandan olan həmyaşıdlarıdır.
