Bolqarıstanın "Slaviya” klubunun futbolçusu Serder Serderoviç Azərbaycan millisində oynamaq üçün AFFA-dan təklif aldığını açıqlayıb.
Sportnet.az-ın məlumatına görə, rusiyalı futbolçu championat.com saytına müsahibəsində bildirib ki, AFFA-dan ona bir neçə dəfə təklif gəlib: "Şeydayev və Mahmudov söhbətindən həm əvvəl, həm də sonra mənə Azərbaycan Futbol Federasiyasından bir neçə dəfə zəng etdilər. Onlar Azərbaycan pasportu alıb bu ölkənin vətəndaşlığını qəbul etməyimi və Azərbaycan milli komandasında çıxış etməyimi istəyirdi. Ancaq mən bu təklifi nəzakətlə rədd etdim. Çünki mən rusam, Moskvada yaşayıram və bu mənim üçün prinsipial məsələdir”.
Qeyd edək ki, 22 yaşlı hücumçu Rusiyanın Mahaçqala şəhərində doğulub. O, Rusiyanın aşağı yaş qrupları üzrə bütün milli komandalarında çıxış edib (Qol.az).
