İngiltərənin "Mançester Yunayted" klubunun futbolçusu Zlatan İbrahimoviç karyerasını başa vurduqdan sonra məşqçi kimi çalışa bilər. Sportnet.az-ın məlumatına görə, 35 yaşlı futbolçuya komandanın məşqçilər korpusunda işləmək təklif edilib.
Klub rəhbərliyi İbrahimoviç baş məşqçi Joze Mourinyo ilə çalışaraq təcrübə toplamasını istəyir.
Qeyd edək ki, isveçli futbolçu bu ilin yayından "Mançester Yunayted"də çıxış edir. Komandanın heyətində 25 oyuna çıxan futbolçu 16 qol vurub.
