"Qarabağ" futbol klubunun prezidenti Abdulbari Goozal "Şöhrət" ordeninə layiq görülüb. Sportnet.az-ın məlumatına görə, bu haqda Azərbaycan Prezidenti İlham Əliyev sərəncam imzalayıb.
Dövlət başçısının sərəncamı ilə Dünya Azərbaycanlılarının Həmrəylik Günü münasibətilə, Azərbaycanda və onun hüdudlarından kənarda iqtisadiyyat, elm, təhsil və mədəniyyətin inkişafındakı xidmətlərinə görə təltif olunanlar arasında "Şohrət" ordeni alan yeganə şəxs məhz A.Goozal olub.
Qeyd edək ki, A.Goozal prezidenti olduğu "Azərsun Holdinq" Şirkətlər Qrupu 2001-ci ildən "Qarabağ"a himayədarlıq edəndən sonra kluba rəhbərlik edir.
