Türkiyənin "Qalatasaray" klubunun yeni baş məşqçisi İqor Tudor transfer çalışmalarına indidən başlayıb.
Sportnet.az-ın məlumatına görə, Xorvatiya mətbuatı 39 yaşlı mütəxəssisin öz komandasına Zaqreb "Lokomotiva"sında çıxış edən Luka İvanuşetsi gətirəcəyini yazıb.
"Yeni Prosineçki" adlandırılan 19 yaşlı yarımmüdafiəçi pleymeker funksiyasını yerinə yetirir. O, cari mövsüm 25 oyunda 1 qol, 2 məhsuldar ötürmə müəllifi olub və 2 dəfə Xorvatiya millisinin formasını geyinib.
