Bu gün "Sumqayıt"ın məşqçi heyəti arasında görüş keçirilib. Sportnet.az-ın məlumatına görə, iclasda klubun baş meneceri Ceyhun Sultanov, əsas komandanın baş məşqçisi Samir Abasov, əvəzedici heyəti rəhbərlik edən Elbrus Məmmədov və akademiyanın məşqçi heyəti iştirak edib.
Görüş zamanı məşqçilər arasında fikir mübadiləsi aparılıb, akademiyada qeydə alınan nəticələr müzakirə olunub, təkliflər dinlənilib, əsas və əvəzedici komandanın baş məşqçiləri tərəfindən bəzi tövsiyyələr verilib.
