İspaniyanın "Barselona" klubunun futbolçusu Lionel Messinin rəfiqəsi Antonella Rokutso ayaqqabı mağazası açıb.
Sportnet.az-ın "Daily Mail"ə istinadən məlumatına görə, onun kommersiya tərəfdaşı Messinin həmklubu Luis Suaresin həyat yoldaşı Sofiya Balbi olub.
Bu addım Messinin "Barsa" ilə müqaviləni uzatmağa hazır olması kimi qəbul edilib. Onun hazırkı anlaşması 2018-ci ilədək qüvvədə olacaq. Suares isə 2016-cı ilin dekabrında Kataloniya təmsilçisi ilə 5 illik yeni müqavilə imzalayıb.
Qeyd edək ki, Lionel Messi Antonello Rokutso ilə 2008-ci ildən münasibətdədir. Onların Tyaqo (2012) və Mateo (2015) adlı 2 oğlu var. Luis Suaresin usə Sofiya Balbi ilə 2009-cu ildə qurduğu nikahından 1 oğul, 1 qız dünyaya gəlib.
