Türkiyənin "Qalatasaray" klubu 2017-2018 mövsümündə geyinəcəyi formaları təqdim edib. Sportnet.az-ın məlumatına görə, yeni formalarda 20 çempionluğu ifadə edən 4 ulduz yan-yana düzülüb.
Əvvəllər ulduzlardan biri üstdə idi. Klubun bazasında təşkil olunmuş mərasimə baş məşqçi İqor Tudorla yanaşı, futbolçulardan Fernando Muslera, Uesli Sneyder, Semih Kaya, Bruma, Eren Derdiyok, Qari Rodriges və Ahmet Çalık qatılıb.
Bildirilib ki, klubun ağ və bənövşəyi rəngli formaları da olacaq.
