İspaniyanın "Barselona" klubuna yeni baş məşqçi təyinatı rəsmiləşib. Sportnet.az-ın məlumatına görə, bu barədə klubun prezidenti Xosep Mariya Bartomeu açıqlama verib.
O, "Atletik"dən ayrılan Ernesto Valverde ilə 2 illik müqavilə bağladıqlarını bildirib. Valverde yeni vəzifədə Luis Enrikeni əvəzləyib. 53 yaşlı mütəxəssisin təqdimatı iyunun 1-də olacaq.
Qeyd edək ki, Ernesto Valverde 1988 - 1990-cı illərdə "Barselona"nın futbolçusu olub. O, baş məşqçi qismində "Espanyol", "Vilyarreal", "Valensiya" və Yunanıstan "Olimpiakos"una rəhbərlik edib.
