İngiltərənin
"Sanderlend” klubu "Qarabağ”ın Avropa Liqasının qrup mərhələsindəki rəqibi
"İnter”in futbolçusu Rikardo Alvarezi icarəyə götürüb. Sportnet.az-ın
məlumatına görə, argentinalı futbolçu bundan sonra karyerasını ingilis klubunda
davam etdirəcək.
Hücumameyilli yarımmüdafiəçi dünən gecə tibbi müayinədən keçib. Bu gün səhər isə o, artıq ingilis klubu ilə icarə müqaviləsi bağlayıb.
"İnter” daha bir futbolçu ilə də yollarını ayırmaq üzrədir. Bu Türkiyə "Qalatasaray”ının da transfer siyahısında olan 28 yaşlı yarımmüdafiəçiFredi Quarindir. Lakin "Qalatasaray” "Valensiya”sının da hədəfində olan kolumbiyalı oyunçuya rəsmi təklifini futbolçunun İspaniya klubu ilə danışıqlarından sonra ünvanlamaq fikrindədir.
Qeyd edək ki, "Qarabağ" Avropa Liqasında "İnter"lə eyni qrupda mübarizə aparacaq. Komandalar oktyabrın 2-si İtaliyada, dekabrın 11-də isə Bakıda qarşılaşacaqlar.
