Avropa Liqasının ikinci təsnifat mərhələsinə yüksələcəyi halda "Zirə” "Astra” ilə qarşılaşacaq.
Sportnet.az-ın Rumıniya klubunun rəsmi saytına istinadən verdiyi məlumata görə, "Astra” heyətini tanınmış futbolçu ilə gücləndirib. Rumıniyanı Avropa Liqasında təmsil edəcək klub bir neçə oyunçu ilə yollarını ayırdıqdan sonra, Antoni Le Talleklə anlaşıb. 32 yaşlı forvard Curciu təmsilçisi ilə iki illik müqaviləyə imza atıb. Fransanın U-21 yığma komandasının şərəfini qorumuş hücumçu "Liverpul”, "Le Havr”, "Sent-Etyen”, "Sanderland”, "Soşo”, "Le Man”, "Oser”, "Valensyen” kimi klublarda oynayıb.
Qeyd edək ki, "Zirə” Avropa Liqasının birinci təsnifat mərhələsinin cavab qarşılaşmasında iyulun 6-da "Differdanj”la Lüksemburqda üz-üzə gələcək. İki komanda arasındakı ilk görüş "Zirə"nin qələbəsi ilə yekunlaşıb - 2:0.
