Rusiyanın "Amkar” klubunun baş direktoru İqor Rezvuxin Azərbaycan milli komandasının qapıçısı Kamran Ağayevlə maraqlandıqlarına dair iddialara aydınlıq gətirib.
Sportnet.az-ın məlumatına görə, Perm təmsilçisinin rəsmisi championat.com saytına açıqlamasında 31 yaşlı qolkiperin xidmətində maraqlı olmadıqlarını söyləyib.
O, bildirib ki, yığma üzvünün familyasını ilk dəfədir eşidir: "Bu futbolçu ilə bağlı variantı gözdən keçirmirik. Onun familyasını ilk dəfədir eşidirəm. "Amkar” Ağayevlə maraqlanmır”.
Qeyd edək ki, Kamran Ağayev son mövsümü "Boavişta” klubunda keçirib. O, bu il aprelin 17-də Portuqaliya təmsilçisi ilə müqaviləsini pozub və hazırda klubsuzdur.
