Çempionlar Liqasının II təsnifat mərhələsində "Qarabağ"la oyundan əvvəl Gürcüstan təmsilçisi "Samtredia"nın baş məşqçisi Georgi Tsetsadzenin mətbuat konfransında tərcüməçi ilə bağlı problem yaşanıb.
Sportnet.az-ın məlumatına görə, tərcüməçi funksiyasını yerinə yetirən yeniyetmə soydaşımız çətin anlar yaşayıb.
O, terminləri bilməməklə yanaşı, həm gürcü jurnalistlərin suallarını, həm da baş məşqçinin fikirlərini çatdırmaqda çətinlik çəkib. Üstəlik, onların dediklərini Borçalı ləhcəsi ilə yerli media nümayəndələrinə çatdırıb.
Nəticədə qərara alınıb ki, yerli jurnalistlər sualları rus dilində ünvanlasın, baş məqşi də rus dilində cavablasın.
